O BNG presenta unha interpelación no Parlamento ante o temor de que se retome o modelo de fundación

16.07.09 @ 12:02:39. Archivado en Galicia

Bieito Lobeira, Xoán Allegue e Ana Lorenzo presentaron a posición do BNG ao respecto do Hospital.

O Bloque Nacionalista Galego cre que a poboación ten que ser “chave” na defensa da calidade dos servizos sanitarios e respaldarán as movilizacións que a este efecto se produzan. Mentras, Bieito Lobeira, deputado nacionalista no Parlamento de Galicia, anunciou onte que veñen de presentar unha interpelación para que a conselleira Pilar Farjas defina as intencións do departamento autonómico de Sanidade ao respecto do Hospital do Salnés, xa que o BNG teme que o Partido Popular tente retomar o modelo de fundación para a súa xestión.

Lobeira sinalou que con esta interpelación Farjas terá que responder no Parlamento sobre que marxe de autonomía ou dependencia terá o Hospital do Salnés con respecto do Complexo Hospitalario de Pontevedra, así como tamén deberá definir os plazos, compromisos e orzamentos para executar a segunda e terceira fase pendentes da ampliación. Polo demais, os nacionalistas demandan a Farjas unhas previsións claras sobre o incremento de medios e persoal para un centro sanitario que atende unha área cun importante incremento de poboación durante o verán. Finalmente, tamén o BNG tamén quere coñecer a fórmula de xestión que defende o PP para este Hospital, xa que, incidiu Lobeira, “poderán ter a tentación de tornar a unha fundación”.

Lobeira lembrou que o Hospital do Salnés nunca foi “unha aposta do PP”, senón que naceu dunha iniciativa lexislativa popular e entende que agora debe ser de novo a sociedade quen defenda os servizos sanitarios que se están a prestar no centro sanitario e a súa calidade.

Pola súa banda, a concelleira Ana Lorenzo, membro da Comisión de Participación Cidadá, destacou que logo da última reunión deste organismo, o 23 de xuño, no que decidiron solicitar á Consellería unha reunión para aclarar o futuro do Hospital, non volveron a ser convocados. Neste sentido, Lorenzo lamentou a “indefinición” que o equipo de Pilar Farjas ten ao respecto do futuro do Hospital, para o que destacou tamén se precisan solucións ao escaso transporte público e á falla de aparcamentos. Lorenzo tamén amosou a preocupación do BNG polo retraso que se está a producir na construcción da terceira planta, para a que aínda non hai unha data definitiva de apertura.

2 comentarios • Trackback (0)

Comentarios:

hursus, el problema se presentó porque este hospital debió crearse siendo el SERGAS desde el principio, las fundaciones sanitarias no son un buen sistema para gestionar algo tan importante como la sanidad pública.

Comentario por pelotari 17.07.09 @ 10:05