Un novo actor na escena política vilagarciá

19.12.08 @ 09:28:23. Archivado en Vilagarcía

Fuente: Diario de Arousa
Autor: Damian Pereira

Terra Galega presentouse en Vilagarcía apadriñada polo seu líder autonómico, o alcalde de Narón, Xoán Gato. O responsable local da organización, Guillermo Rocha, explicou aos numerosos asistentes ao acto a política do partido e a súa ambición por entrar no Parlamento de Galicia.

TEGA presentou en Vilagarcía un discurso centrado no cambio, no optimismo e nas gañas de facer medrar a Galicia a pesar da situación de crise internacional. Con Xoán Gato á cabeza, o partido tratará de acadar os 30.000 votantes na provincia para lograr representación parlamentaria en Pontevedra. “É algo difícil, Vigo tira moito”, recoñeceu Gato, “pero se dades a coñecer a nosa alternativa podemos conseguilo”, puntualizou con enerxía.

A presenza do rexedor de Narón (concello que está a protagonizar un incesante crecemento) reforzou a presentación de Guillermo Rocha, que falou de “cumpir o contrato coa cidadanía, algo que non está a facer o goberno galego, que vende a nosa terra por un prato de lentellas”.

TEGA quere ser a cuarta forza política galega e acadar con iso dous representantes no Parlamento nas vindeiras eleccións. A día de hoxe xa conta con seis alcaldías e participación en 13 gobernos locais.

Rocha quixo resaltar o carácter do seu partido, un estilo non fundamentado só no folclore ou a cultura, senón, especialmente, “en sacar da última posición do conxunto do Estado a Galicia”. E é que Xoán Gato insistiu en que “os demais partidos téñennos medo. Sobre todo o BNG, que nunca se pronuncia sobre a súa postura ideolóxica, fundaméntase no enxebre, participa do clientelismo e só busca sacar tallada de acadar cotas de goberno”.

Cun discurso vigoroso, o alcalde de Narón foi quen de espertar o ánimo dos asistentes, a pesar de deixar claro que “por cartos temos moi difícil competir cos demais partidos”.

8 comentarios • Trackback (0)

Comentarios:

fora os caciques da Xunta tanto do PSO E como os BNG e o PP todos son netos de fascistas. TEGA son traballadores , Xa é hora de cambiar un poquiño .

Comentario por anxo 31.12.08 @ 20:20

Tiene razón X. Gato, Vigo tira mucho. Pero más tiran dos tetas; de las que quieren chupar los discipulos de Pablo Padín; por cierto, ¿qué hicisteis con él?. Supongo que fue victima de la democracia orgánica que practicais.
¡Vilagarcía está de enhorabuena, tiene más derecha!. Vilagarcía está de enhorabuena, tiene gobierno de progreso para veinte años más.

Comentario por Anticristo 23.12.08 @ 20:04

Vaya regalito de Navidad que le hacies los de Tega a PSOE y BNG. Joder ya están hablando , lo se a ciencia cierta, de lo que "podrá pasar". Bravo, ya les estais dando caña y acabasteis de llegar . Bravo y Bravo

Comentario por Toño 20.12.08 @ 22:56

Encantado de que se abra unha nova alternativa nacionalista en Galiza. O BNG de Beiras era unha tolería, pero agora co Quintana perdemos o rumbo completamente, seguro que agora nas oficinas do BNG están a darlle voltas a testa a ver como poideron chegar a esta situación, ademáis, unha moi boa alternativa para milleiros de socialistas defraudados co seu partido.

Comentario por Bloque Ningunea Galiza 20.12.08 @ 20:50

Certamente é a opción política que me faltaba para ir a votar xa que más do mesmo non o quero , Animo a TEGA a que destrua o enchufismo a o trato de CHULERÍA aos galegos. A mensaxe de Tega é coherente e de feitos, BENVIDOS A VILAGARCIA

Comentario por mar 19.12.08 @ 22:09

Parabéns ao pobo de vilagarcía por acoller a este partido que dende hai dous anos trata de normalizar a política galega cun discurso nacionalista moderado e coherente, lonxe da incoherencia dun BNG que na oposición berraba "Galiza ceibe" e no goberno se converteu en herdeiro e potenciador do vello caciquismo que tanto dano ten feito ao noso país.

Comentario por Outro 19.12.08 @ 18:20

Home, para empezar deberían cambiar o seu logo. Parecese máis o de "Ternera Galega", que ó de un partido político. En canto o seu discurso, soa igual que o de Centristas de Galicia, Coalición Galega,PNG, PG, etc. Máis do mesmo, cabreados coa dereita que s xuntan para facerlle dano e logo volver a casa común. Pouco fturo lles vexo.

Comentario por Sijala 19.12.08 @ 17:31

ai veñen outros chupatintas con aspiracions a entrar no goberno e como fan os de agora echelas isntitucions cos seus enchufados

Comentario por horus 19.12.08 @ 14:33

Se muestran únicamente los últimos 40 comentarios de cada post.

Los comentarios para este post están cerrados.