Rubians estrena Wifi

30.10.08 @ 13:11:21. Archivado en Vilagarcía

Fonte: Diario de Arousa
DAMIÁN PEREIRA > VILAGARCÍA

O Centro Sociocultural de Rubiáns foi o punto escollido polo concelleiro de Cultura, Xosé Castro Ratón, para facer a presentación pública da nova liña wifi de acceso a internet impulsada polo Concello de Vilagarcía.
Esta promesa, incluida no prego de condicións que Esquerda Unida pactou co bipartito para permitir a aprobación dos orzamentos de 2008, comeza agora a dar os seus primeiros pasos, tanto no espazo cultural desta parroquia interior como nas casas da cultura de Bamio, Carril, Vilaxoán e o Centro Sociocultural de San Roque, en Arealonga.

A intención do Concello é ter completada a liña wifi do Auditorio Municipal lista ao 100% durante o vindeiro mes e, posteriormente, ir incrementando a rede sen fíos ao resto de espazos socioculturais do municipio, se ben o propio edil nacionalista sinala que “teremos dificultades, pois precisamos negociar coa empresa que distribue o servizo da instalación da liña gratuita. Será moi compricado chegar a cubrir todos os edificios da rede pública”.

Pola súa banda, o presidente da asociación de veciños de Rubiáns, Xurxo Abuín, indicou que a implantación deste servizo na parroquia “é importantísimo para nós pois ata o de agora careciamos de conexión de internet, nin sequera por RTB, que é das máis antigas. Agora os estudantes poderán conectarse na súa parroquia”, alegrábase o veciño de Rubiáns que tamén recoñeceu que “é moi difícil que a rede poida ampliarse ao resto do terreo parroquial”. De feito, Castro Ratón asegura que “a Mancomunidade do Salnés, que é a que está a estudar a implantación dunha liña wifi comarcal, ten parado o tema dende hai tempo, síntoma das dificultades que supón”.

Melloras > O edil de Cultura tamén anunciou a inminente ampliación do catálogo de libros no centro cultural de Rubiáns e a creación dunha hemeroteca.

Ademais, este punto de encontro para os veciños da parroquia limítrofe con Vilanova tamén acollerá unha exposición do pintor cambadés Mon Costa. A mostra deste veterano artista dará comezo o vindeiro domingo e estará presente en Rubiáns ata o día 30 de novembro.

O horario de apertura será flexible, segundo a dispoñibilidade dos responsables das instalacións, pero, basicamente a mostra poderá ser visitada entre as 19 e as 23 horas de luns a venres e de 12 a 14:30 e 18 a 23 horas na fin de semana.

A asociación de veciños e cultural de Rubiáns tamén está a organizar un ciclo de música coral que abarcará os tres vindeiros domingos, días 2, 9 e 16 de novembro. O 2 estará na localidade a coral de Trabanca Badiña, que actuará a partir das 18:30 horas. O 9 visitará Rubiáns “Cortegada” e o 16 a coral vilaxoanesa “Máximo Patiño”.

Por outra banda tamén dará comezo nas vindeiras datas un ciclo de charlas coloquio para persoas da terceira idade que versará sobre os problemas deste importante colectivo, tales como a enfermidade do alzheimer, a preparación para a xubilación, a hipertensión, a alimentación saudable ou a diabetes. Toda a programación é completamente gratuita.

4 comentarios • Trackback (0)

Comentarios:

hola.
Veo que ya comenzaron las instalaciones de wifi pero cuando vamos a tener todos wifi de la misma manera que lo tienen otros pueblos y ciudades de la zona(gratuitamente se entiende)? y ya que estamos en lo del internet cuanto mas o menos tardearn las reformas de la red para que todos podamos tener una velocidad apreciable?

Comentario por Luis 24.12.08 @ 18:00

Ola Serxio Ramón,

Gustariame saber cales son os centros socioculturais que teñen wifi, porque os que eu coñezo ningun, A Torre non ten wifi, Trabanca Badiña tampouco, Guillán tampouco, o de Sobradelo tampouco...

Asi podería continuar con algún máis...

Moi boa idea a do BNG de empezar a poñer wifi nos centro culturais, e por algún hai que comezar, e mellor comezar por un dos que mellor está funcionando.

Saúdos.

Comentario por Arousa 23.11.08 @ 16:45

E, ¿cando estrearán os veciños deRubiáns unha mellor rede de sumidoiros, abatecemento de auga ou recollida de lixo?.

Comentario por Sijala 07.11.08 @ 11:48

Hoxe en día é algo máis que necesario. Si non estas conectado a Internet non estas no mundo actual, triste pero real. E que mellor maneira que facéndoo ao través dos centros sociais. Agardo que pronto todos os centro poidan dispoñer de este servizo.
Pero que casualidade, levan funcionando xa 4 ou 5 redes Wifi noutros tantos centros sociais, e agora ven Castro a inaugurar a de Rubiáns, terá algo que ver que o presidente desta asociación sexa un antigo concelleiro do BNG. Os rumores da vila, ao menos onde eu tomo café, son que a Castro estáselle vendo moito o plumeiro, o ser demasiado amigo dos seus amigos de ideoloxía e estar a beneficialos dende o goberno local, pode resultarlle bastante caro a curto ou longo prazo.

Comentario por Serxio Ramón 31.10.08 @ 11:20

Se muestran únicamente los últimos 40 comentarios de cada post.

Los comentarios para este post están cerrados.