cara a tortuguero (III)

30.04.07 @ 10:18:12. Archivado en textos creativos

O oso perezoso foi a seguinte sorpresa. Contrastaba a súa lentitude coa vivacidade das miradas que húmidas procuraban comprender cómo se podía respirar e mover sempre, tal e como eles facían, a cámara lenta, tan só comendo follas da árbore que paciente os acubillaba.
oso
Algunha clase desta especie conservaba vestixios do seu antigo rabicho prehistórico, antigamente usado coma trípode, que lle axudaba a manterse ergueito ou como cadeira, e que lle valía na actualidade, cando baixaba da árbore, aproximadamente unha vez ao mes, para facer un buraco no chan, e logo tapar os excrementos que alí depositaba, regresando inmediatamente á árbore.

>> Sigue...

• Trackback (0)

cara a tortuguero (II)

24.04.07 @ 22:51:18. Archivado en textos creativos

O aire acondicionado do autobús acubillábanos do exterior. Ó saírmos outra vez a sensación dun golpe húmido e quente nos abrasou, regresarmos o estado de ser esponxa esprimida que case non nos abandonaría en toda a viaxe. O látego de calor foi inesperado porque as paisaxes a través do cristal estaban envoltas dun férreo platino que nada tiña que ver coa fervente temperatura.

>> Sigue...

• Trackback (0)

cara a tortuguero

20.04.07 @ 12:41:36. Archivado en textos creativos

De xullo en adiante a Costa Rica arriban os visitantes europeos, decrecendo a demanda norteamericana, o primeiro consumidor de ecoturismo no país. Comeza a temporada de chuvias. En calquera intre o ceo pode derrubarse sobre nós e chover e chover ata rebentar. O autobús recolleunos ás seis e media da mañá con destino a Tortuguero. Jimmy, o noso guía, presentounos a Chipito, o chófer, para logo darnos a benvida e facer nós o propio, agás unha parella americana e outra belga, o resto eramos todos de distintas partes de España. Jimmy foi todo un achádego, un mapa interior efervescente de humanidade, de saber estar e profesionalidade. Non só era esperto no manexo da información senón que sabía transmitila facéndoa próxima, amosando a grandiosidade e tamén o efémero da vida que se enxergaba a través dos ecos dos seus seres queridos e do seu entorno, que en forma de palabras, por veces asomaba nos ouvidos do autobús.
bolboreta

>> Sigue...

• Trackback (0)

chegada a costa rica (2)

18.04.07 @ 10:52:36. Archivado en textos creativos

praia
Aereoporto Juan Santamaría. Pasamos os controis de migración que nos indican que estamos poñendo pé nun novo país. San José de Costa Rica. Nunha das paredes un mural de árbores cun home facendo canoping. Síntome Neil Amstrong na súa chegada á lúa, é a primeira vez que cruzo o océano e respiro Centroamérica. A primeira sensación ao saír do recinto é dunha humidade mesta infectada de calor que o envolve todo. Decenas de taxistas apiñados na entrada abordan aos viaxeiros. Pero non, nós temos o transporte concertado cara ao hotel. Na estrada alédame ver flamboianos, coas súas flores encarnadas exultantes e as súas pólas cara ao ceo, agradecidos.

>> Sigue...

• Trackback (0)

viaxe a costa rica (1)

17.04.07 @ 16:26:13. Archivado en espichos de toxo

arenal
O volcán destrúe e dá vida. En Costa Rica a xente está afeita a convivir a carón do volcán. Cando se lles pregunta se non senten temor ante un inminente espertar do xigante eles respostan con acougo que a forza está controlada, que é moi difícil que se produza unha erupción, que todos e cada un dos seus movementos, como por exemplo, o do volcán Arenal, se se sabe estar onde hai que estar, son inofensivos, indican que é un enorme dinosauro nos seus derradeiros estertores.

>> Sigue...

• Trackback (0)

réquiem polo tempo

03.04.07 @ 09:07:13. Archivado en espichos de toxo

reloxo o meu reloxo non aturou vivir tantos anos arrimado á rutina, atopeino sen coiraza, cos brazos perdidos. despois de pelexar coma un buxo contra si mesmo decidiu abandonarme e aquí vos estou, desorientada, coa memoria de tantas andainas xuntos e de percorridos circulares.

>> Sigue...

• Trackback (0)