Simplismo

10.02.07 @ 11:38:24. Archivado en Sobre el autor

Hai uns días, a través dun xornal dixital deses que che envían un correo diario cos titulares de seu, souben doutro ”rotativo” informático que acaba de saír do prelo internáutico e a través do cal, en lóxica sucesión, tiven ocasión de recalar no blog dun dos máis controvertidos parlamentarios galegos -o mesmo que hai uns meses lle “chourizou” a un meu amigo o protagonismo mediático da galeguización dos cemiterios e que ultimamente anda a rolar cunha teima ludo-lingüística para que as “barbies” falen galego- e a quen non teño o gusto de coñecer, polo que lle prego, querido lector, que lea esta reflexión en clave de mera interpretación do que di, sen ningunha outra personalización.
Ó chegar a el -é dicir, ó seu blog-, fun directo á declaración de principios, pois é aí, na distancia curta dos pensamentos, ou o que é o mesmo na transmisión directa que enlaza a rede que nos rebule nos miolos coa pantalla do ordenador, sen outro filtro -cando menos aparente- có do corrector de textos -que non de ideas, nin de contextos- que leva implícito o procesador... Repito, é aí -onde o pouso das ideas é transparente- onde se pode facer unha evaluación do nivel intelectual de alguén que como representante da voz popular está, como non podía ser doutro xeito, sometido a análise pública do elector.
Lin e relín, polo tanto, con profundo interese o texto de presentación e despois de lelo saquei algunha conclusión que tiña pensado gardar no fardel do silencio, pero que agora decido compartir con vostede, querido lector, logo de coñecer as descalificacións que nunha reflexión posterior facía sobre outros xonalistas galegos que non comparten con el ideoloxía nin, polo tanto, opinión.
“Comprensión e opinión” é o que pide o devandito político no remate do seu primeiro pensamento. Comprensión -supoño- porque a súa relación -el di “falta de destreza”- coas xa non tan novas tecnoloxías, semella non ser nin moito menos unha relación de amor. E opinión, porque paradoxalmente o que parece reclamar é que se faga confrontación de ideas coas que periódicamente el vaia pendurando na bitácora.
Voulle dar o enderezo para que o lea vostede sen o meu filtro e así resérvome outras opinións: http://www.gznacion.com/bieitolobeira/index.php.
Estou seguro de que ó rematar concordará comigo en que, se ese texto está escrito por alguén que forma parte da elite dos que representan a nosa voz, a intelectualidade da clase política galega raia nun simplismo que xenera, cando menos, decepción.
¡Ai! se Castelao erguera a cabeza e mirara para nós...

2 comentarios • Trackback (0)

Comentarios:

La SER engañó a todos el 13-M de 2004 ( 1 )

En las noticias de la SER de las 18h del 13 de marzo de 2004 , se dijo como noticia cierta que el CNI centraba sus investigaciones al 99% en el terrorismo islámico , abandonando así la autoría de ETA . Sólo al final de esas noticias se añadió que el propio CNI comunicaba que esa noticia no era cierta . La SER , sin embargo , en el Carrusel deportivo que se emitió a continuación , por boca de su presentador , insistió en la falsa noticia recién propalada , a pesar del clarísimo desmentido del CNI . Esa noticia falsa contribuyó a provocar los asaltos a las sedes del PP , el golpe de Estado mediático . Exigimos justicia para castigar esta innoble conducta de la SER .

Comentario por Iñigo 11.02.07 @ 06:57

Estou de acordo compañeiro en que as boas formas e o saber estar e escriber (formando parte dunha elite política e para máis inri representante de cultura e educación) non están reñidas ca liberdade de expresión. Pois daquela, apaga e vámonos. O señor Lobeira demostrou unha actitude pouco educada e discriminadora nada favorecedora para a súa persona e dende logo pouco enriquecedora para os que o len. Xa que moitos que pensan o mesmo son máis sutiles nas súas verbas. Daquela coido que Bieito practicando a liberdade de expresión demostrou non entende-la liberdade de opinión.

Comentario por Judith Abella [Blogger] 11.02.07 @ 00:03

Se muestran únicamente los últimos 40 comentarios de cada post.

Los comentarios para este post están cerrados.