Ourense no Vaticano

10.02.07 @ 11:21:39. Archivado en Sobre el autor

Convidado por un programa que se está desenvolvendo baixo o epígrafe Camiños de Europa, tiven a oportunidade durante estes últimos tres días, de visitar a Cidade Eterna.Non andara eu nunca polas súas rúas, nin me perdera tampouco polas súas protohistóricas canellas. Tampouco fora quen, en consecuencia, de admirar a mastodóntica dimensión de arte que se concentra nos chamados Museos Vaticanos, e que evidentemente non nos deu tempo de percorrer enteiros, por moito que no canto de tres días estivéramos unha semana enteira.Certamente, Roma é moita Roma, por moito que nos teñamos -e esteamos orgullosos delo- tanta pedra en Compostela.Pois ben, ademais de admirar historia por arrobas e arte a mans cheas, tamén tivemos tempo de participar na presentación pública do programa ó que denantes fixen referencia e, da man deste programa, comprobar cómo calquera persoa que se achegue á Praza de San Pedro (18 millóns no último ano, segundo nos informou o agora embaixador e antes alcalde da Coruña), se desexa pedir información sobre a provincia de Ourense, aínda que vostede non o crea, poderá tela ben cumprida. E non só iso, senón que dende aquela mesma oficina lle organizarán a viaxe con saída e chegada dende Roma, pasando evidentemente por CompostelaE é que da man dos grupos de acción local que o Leader plus tren formados na comarca lucense-coruñesa de Portodemouros, na bisbarra ourensán-lucense da Ribeira Sacra, e no Val do Limia soamente ourensán pero lindante coa raia portuguesa, esta posibilidade aparentemente de ciencia ficción no campo da promoción turística, hoxe por hoxe é tan certa coma que onte mesmo estiven na Capela Sixtina malia que non me deixaron fotografala e entón non podo presentar aquí a proba.¿Que como é isto posible?, preguntarase vostede. Pois simplemente -aínda que é máis simple contalo ca levar a cabo as complexas xestións que teñen levado a cabo os responsables destes programas locais- porque o equipo coordinador deste programa foi quen de trasladar a idea orixinaria do Camiño de Santiago a outras terras que teñen historias susceptibles de trasladalas ó ámbito da peregrinación turística, algo que está máis en boga do que moitos pensan.Pronto empezarán a andar autobuses por Galicia, percorrendo as nosas carreteras con acento italiano. E iso debémosllo ó Camiño de Santiago, un valor recoñecido no mundo, aínda que algúns non o crean.

Comentarios:

Se muestran únicamente los últimos 40 comentarios de cada post.

Los comentarios para este post están cerrados.