María Seoane
autor
Contacto
PREPARADOS, LISTOS, XA...
01.10.07 @ 20:27:08. Archivado en Política de xuventude
Esta fin de semana celebramos en A Guarda a Convención anual de Novas Xeracións de Galicia, foron dous días de convivencia e traballo que serviron para que os mozos de Novas Xeracións e membros das distintas organizacións do tecido asociativo galego, debatesemos e redactasemos unha batería de propostas destinadas a millorar a calidade de vida dos mozos do noso país.
Os deputados autonómicos Diego Calvo, Alejandro Gómez, Susana López Abella, Jaime Castiñeira, Manolita López Besteiro, Manolo Ruiz Rivas nos acompañaron nas mesas de debate nas que se elaboraron as propostas. É de agradecer a súa implicación no desenrolo desta Convención.
Tamén estivemos acompañados por membros das xuventudes de JSD Porto e de compañeiros de Uruguay aos que lle agradecemos moito a súa asistencia.
Queremos reivindicar o lugar que lle corresponde á xuventude galega.
E fixemos unha esixencia que vai máis alá duns cuantos anuncios de subvencións (nunca dadas), aos que tan acostumados nos ten ese presidente chamado ZP.
Non queremos limosnas para alugar unha vivenda, non queremos zapatillas para ir a busca de subvencións, non queremos un ensino machacado a base de parches, non buscamos facilidades enganosas como os cursos ponte, non estamos dispostos a tolerar como Zapatero, Touriño e Quintana se mofan dos nosos soños convertendoos en especulacións.
Estamos fartos das promesas incumplidas.
A mocidade é o motor da sociedade, é o presente e é o futuro.
E ese motor hai que engrasalo, non vale que se nos intente enganar calcando un Plan de Vivenda como fixo a ministra Chacón hai uns días, supoño que non tivo tempo de mirar que xa a anterior ministra dos minipisos nos prometera o mesmo. Un Plan que por outra banda xa se encargou Solbes de dicir que non se fará realidade.
Pero é que aquí non remata o conto, o ensino é cada vez máis deficitario pola manía que lle entrou a Zapatero de que todos pasemos de curso sexa como sexa e gracias tamén á inigualable capacidade deste goberno de ceder terreo ós nacionalismos que non buscan outra cousa que ter a súa cuota de poder para facer galescolas e mandilóns identitarios, ou no caso da dirección xeral de Rubén Cela cambiarlle o nome a programas do Partido Popular colocando zetas por todas partes. Xuventude GaliZa net, gz crea…
No tocante ó emprego, non levaron a cabo nin unha soa iniciativa para paliar a temporalidade laboral en case catro anos de goberno.
Pero a xuventude sabe ben o que quere e dende as asociacións, políticas, estudiantís, universitarias, culturais, labregas, deportivas... que estivemos debatindo o sábado e o domingo xurdiron numerosas propostas que lle fixemos chegar ó Presidente do Partido Popular de Galicia, Alberto Núñez Feijoo.
Avogamos por un ensino que garanta unha formación axeitada ás necesidades actuais e ás demandas desta sociedade, fortalecendo a doble vertiente formativa e educativa, así, queremos por exemplo que haxa unha formación profesional a distancia que garanta a posibilidade de conciliar vida familiar e persoal ou laboral coa vida formativa.
O grande problema do sistema educativo non son as línguas como queren facernos ver algúns, o problema é un sistema educativo viciado, pensado para facer de nós, os mozos, unha xeración fácilmente manipulable. E non o imos deixar así. Queremos calidade do ensino para poder competir nun mundo cada vez máis global.
No tocante á vivenda moitas son as propostas que xurdiron nunhas xornadas nas que a este tema se lle adicou especial importancia porque é unha das teimas de todos nós. Así agardamos medidas contundentes, cesión de solo público e reduccións das cargas fiscais para todos, tamén para os menores de 22 e os maiores de 30.
En emprego, cremos fundamental que o Estado faga o posible para que os mozos poidan acceder ó seu primeiro emprego e así adquirir a tan ansiada experiencia laboral, e reivindicamos medidas como o plan labora pero tamén prácticas obligatorias en todas as universidades públicas.
Soñamos cunha Galicia intercomunicada cun mundo plural, e esiximos ó goberno canais de comunicación acordes cos novos tempos. O elevadísimo número de sinistros e a inxente cantidade de cidadáns que cada ano perden a vida nas nosas estradas non responden só á impericia ou imprudencia dos conductores. Numerosas medidas de sinxela aplicación, como eliminar os quitamedos con perfis metálicos cortantes por outros cun deseño e material que non provoque mutilacións en caso de accidente, así como unha educación viaria adecuada, contribuirían a diminuir considerablemente esta lacra que nos afecta.
Somos unha xeración comprometida co mundo que nos rodea, estamos firmemente convencidos de que con unha xestión adecuada os grandes problemas medioambientais poden ter solución dentro dun marco no cal a xente non teña que renunciar á calidade de vida da que agora disfruta: e é que nós si cremos nun desenvolvemento sostible onde tradición e vangarda poidan darse a man.
Queremos unha sociedade igualitaria onde todos teñamos as mesmas posibilidades, por iso cremos fundamentais as leis pero acompañadas de contados, non como fixo o señor Caldera coa súa republicitada lei da dependencia. Nós falamos dunha España sen barreiras, de campañas de integración de inmigrantes e emigrantes retornados, de formación para aquelas xeracións que non tiveron a oportunidade de aprender o manexo dun ordenador, e aspiramos a unha educación doméstica de igualdade entre sexos.
En Galicia, de lei de xuventude nada de nada. Aquí reivindicamos unha vez máis a posta en marcha dunha normativa integral para a mocidade galega.
Lei xa presentada polo grupo parlamentario popular e rexeitada polos dous grupos que sustentan os goberno en Galicia.
Sexa cal sexa a condición de cada un dos mozos e mozas que alí estivemos, unha cousa tiñamos en común, a ilusión de que de unha vez por todas, un goberno nos escoite, escoite as inquedanzas da xuventude, e onte os cargos do Partido Popular amosaron realmente o seu compromiso coa mocidade, non buscaban a foto e de feito nin siquera estiveron sentados en primeira fila de autoridades como é normal noutros actos políticos como o de ZP de Silleda, sinon que se integraron entre nós, escoitándonos.
Por todo isto, confiamos en que pronto se poidan poñer en marcha as propostas, froito do análise da situación da mocidade e destinadas a facer do noso país un lugar de liberdade, igualdade e benestar digno das súas xentes.
