María Seoane
autor
Contacto
LEI DE XUVENTUDE
29.03.07 @ 18:57:49. Archivado en Política de xuventude
DEBATE SOBRE A LEI GALEGA DE XUVENTUDE PRESENTADA POLO GRUPO POPULAR NO PARLAMENTO DE GALICIA
27 de marzo de 2007
O Grupo Popular de Galicia defendeu no Pleno do Parlamento, a aprobación dunha proposición de lei galega de xuventude, para superar a parálise das políticas sectoriais da Xunta dirixidas a este sector da poboación. Entre outras medidas debulladas polo voceiro de área do Grupo Popular, Diego Calvo, figura a proposta de que o 20% das vivendas protexidas promovidas pola Xunta sexan reservadas para os mozos galegos, co obxecto de facilitar a súa independencia e garantirlles unhas condicións mínimas, tanto en materia de habitabilidade, como no relacionado co esforzo económico máximo a realizar.
Nesta mesma liña, a proposición de lei promovida polo Grupo Popular pretende blindar o orzamento destinado pola Xunta ao sector de poboación menos de 30 anos, e considera que a lei debería garantir unha porcentaxe non inferior ao crecemento medio do Presuposto Xeral da Comunidade Autónoma de cada ano. Evitaríanse así flagrantes incumprimentos, como o do vicepresidente da Igualdade, Anxo Quintana, que comprometera crecementos presupostarios anuais de 20 puntos, pero que na práctica se traduciron en incrementos inferiores aos do conxunto do orzamento autonómico.
Pretende o PPdeG fixar por Lei unha “garantía en materia de vivenda, presupostos e medias activas de emprego; garantía legal, en definitiva, para os mozos de Galicia”, en palabras de Calvo Pouso.
20 MESES PARA COMPLETAR O ORGANIGRAMA
Calvo Pouso puxo de manifesto que pese aos 20 meses transcorridos desde a toma de posesión do Goberno bipartito, as políticas autonómicas sectoriais dirixidas aos máis de 500.000 mozos galegos continúan sen materializarse. Desvelou, neste sentido, que a Dirección Xeral de Xuventude aínda completou o seu organigrama a pasada semana, o que revela o grao de parálise que afecta a ese departamento autonómico.
Os populares galegos consideran necesario adaptar as estruturas administrativas e as políticas da Xunta ás cambiante realidade da mocidade galega con outras medidas concretas como a obriga de revisar e actualizar periodicamente os diferentes plans autonómicos de xuventude, con actuacións concretas en áreas como vivenda, ocio, educación, inserción laboral, promoción da saúde, cultura, deporte ou sensibilización ambiental, entre outras.
A proposición de Lei do Grupo Popular permitiría sistematizar todas a actuacións e programas públicos dirixidos á mocidade, favorecendo o ordenamento das competencias e a súa adecuación ao cambio que esixe a modernización das institucións. “Trátase dunha lei de optimización de recursos, que suma esforzos, unha lei de diálogo e corresponsabilidade, que dotaría de maior axilidade, eficacia e eficiencia ás accións dirixidas á xuventude”, segundo Diego Calvo. Entre outros, o PPdeG propón a creación do Consello Rector da Xuventude, como órgano de carácter institucional integrado por representantes das Administracións autonómica e local e do Consello da Xuventude de Galicia.
DIRECCIÓN XERAL ALETARGADA
O Grupo Parlamentario Popular continuará presentando iniciativas relacionadas coa mocidade, por convicción propia, pero tamén para provocar unha reactivación da Dirección Xeral de Xuventude, que ata o de agora, cando, xa se achega o ecuador da lexislatura, permaneceu aletargada.
Non é por casualidade que o mesmo día que se debate no Parlamento unha proposición de lei de Xuventude formulada polo Grupo Popular, o director xeral dese departamento e mailo vicepresidente da Igualdade presenten publicamente unha campaña de actividades. “Celebramos que o director xeral, Rubén Cela, abandone, abandone, aínda que só sexa por un día, abandone o seu letargo e faga que traballe, para contraprogramar ao PPdeG”, sinalou Calvo Pouso.
Comentarios:
Comentario por Eduardo 03.05.07 @ 16:37
Saludos
blogs.periodistadigital.com/cartasmesa.php
Comentario por Aida Rosell [Blogger] 14.04.07 @ 17:22
Saludos
Comentario por Luis Montes 29.03.07 @ 19:39
Se muestran únicamente los últimos 40 comentarios de cada post.
