Un barrio en obras

29.10.08 @ 18:06:59. Archivado en Queixas, Reportaxes

Se cremos todo o que anuncian ós nosos gobernantes, o barrio está en pleno proceso de cambios que farán que aqueles que leven moitos anos sen pasarse por aquí case non recoñezan algúns dos lugares que se modificarán.

A rehabilitación da Sagrada Familia segue ó seu curso, máis que lento e con multitude de problemas, pero hai que dicir que os edificios están a cambiar moito (polo menos por fora) e para ben. Esperemos que cando rematen, valera a pena tanta penuria e tantos problemas por mor das obras.

Únese a isto a esperadísima reforma da Pista Verde, que parece que incluso agora vai ser un lugar "idílico" para toda a familia, pero como nos custa crer ós políticos ata que vemos as cosas feitas, esperaremos a ver como queda para opinar. Preto de alí, suponse que en breve comezará a construcción do parking na praza da Sagrada Familia, por suposto, con polémica, debido ás queixas de veciños pola forma de adxudicar as prazas e outros que se acaban de enterar deste proxecto.

Dos Mallos temos a recente promesa da reforma de Angel Senra, incluso veu o a alcade ata aquí a facer un "mitin", perdón, a presentar a reforma "in situ" anunciando que a rúa será realmente peonil o próximo ano, unha peatonalización que inclúe a Francisco Catoira, iso sí, con queixas veciñais por esta última xa que din que os residentes non foron consultados. Dentro desta reforma, parece ser que tamén inclúe a Praza de Madrid, de onde sae a pasarela peonil verde que cruza Alfonso Molina.

A Intermodal segue a voltas e cada vez apunta con maior forza a San Cristóbal, con varias ideas e formas de como facela que van saíndo de cando en vez. O único que parece claro é que levará un centro comercial, que se reformará a praza de San Cristóbal e se arranxarán os baches da Ronda de Outeiro ó seu paso por esta zona.

E todo isto con Vioño ahí, rematando (moi lentamente) a súa gran transformación, de aldea a urbanización con parque. ¿Estará rematado no primeiro trimestre do 2009 como algúns nos dixeron? Polo menos algúns dos edificios parece que si.

Todo moi ben pero, ¿e o Agra dos Mallos? Segue en estado de abandono.

2 comentarios • Trackback (0)

Comentarios:

Moitas queixas, moitas queixas e...

Qué imos facer, se sempre nos queixamos e non facemos nada.

Os veciños de Francisco Catoira movilizámonos e acadamos una reforma do proxecto, logo de falar co concelleiro e co alcalde.

Menos falar e mais traballar.

Comentario por Begoña 20.11.08 @ 17:49

todo o que comentas sobre as obras no barrio da sagrada familia e certo mais agora neste dia encontramonos con todas as ruas (todas) que mais parece unha zona de guerra que as veiraruas das casas, esta situacion e deplorabel, ven se nota que os que fomentaron iste tipo de obras non has teñen que padecer soamente tedes que dar unha volta pola zona para levares as maos a testa xa que isto e unha tomadura de pelo.
levantan levantan mais non arranxan


e logo diran que e por facer un favor a os vecinos mais a eles tamen.

Comentario por xoan 17.11.08 @ 14:33

Se muestran únicamente los últimos 40 comentarios de cada post.

Los comentarios para este post están cerrados.