José López
autor
Contacto
O Distrito Mallos responde ás preguntas dos veciños
05.11.07 @ 21:30:50. Archivado en Reportaxes
Esta é a nova sección do xornal que se publica no barrio, o xornal do Distrito Mallos. Nesta sección, os veciños podemos enviarlle todas as preguntas que teñamos sobre o barrio ou sobre a asociación e serán respondidas, evidentemente, dentro das posibilidades e coñecementos do Distrito Mallos. Se queres facer algunha pregunta, ó final deste artigo tes as instruccións necesarias para facelo. Estas foron as primeiras que se enviaron e que foron publicadas no número de outubro.
¿Non se pode impedir que os chineses abran comercios?
Se eses señores son cidadáns legais, teñen todos os dereitos e a lei hai que respectala, cando nos vén mal e cando nos vén ben. Se non están legalmente, o temos que denunciar no organismo correspondente.
¿Non sería bo facer bolsas para Nadal?
Temos moita ilusión en facer bolsas co noso “Sol-riente” pero os comercios un pouco fortes xa teñen as súas bolsas co seu logo, e pensamos que de non ser todos, as bolsas non serían baratas. De tódolos xeitos é algo que nos gustaría moito.
¿Porqué non se instala un Zara na zona?
Descoñezo se Zara pensa nos Mallos, o que si podo dicir é que os locais dos Mallos teñen unhas dimensións moi pequenas, non hai locais grandes, é un problema que xa tivemos con algunha tenda importante que pensaba nesta zona, esperemos que coas novas edificacións se fagan amplos locais.
¿Non hai cursos para os comerciantes?
Neste xornal poñemos os cursos que saen, e se fixeron cursos co Concello, a verdade é que asisten aos cursos moi poucos comerciantes. Pero estamos pendentes deles e publícanse ou no xornal ou na Web: http://www.distritomallos.net/ .
¿Porqué non se fan calendarios do Distrito?
Este ano faranse e repartiranse gratuitamente entre os asociados.
¿Que fai a asociación para intentar que se reformen os baixos baleiros?
A Asociación Distrito Mallos, non pode meterse na propiedade das persoas, o que facemos é poñer o noso xornal a disposición dos propietarios para que ofrezan os seus locais e, ao tempo, mediante a nosa propaganda chegar a convencer os posibles comerciantes que Distrito Mallos ofrece boas posibilidades.
¿Como se poden mellorar as beirarrúas que están rotas, ou a iluminación?
Dende Distrito Mallos estamos en contacto con responsables do Concello e cando nos denuncian algunha deficiencia comunicámolo. Podo asegurar que se nos decatamos, e acudimos ao Concello o normal é que se solucione, o malo é que moitísimas veces estas cousas quedan en "dixenlle- dixome" e non nos decatamos.
¿Como se fai para iluminar en Nadal as rúas?
O Concello ilumina pola súa conta as rúas peonís e algunha outra que pensan é máis importante, e pagan o gasto de luz. As demais rúas teñen que organizarse pola súa conta. O que fai a Asociación é axudar ás rúas que nos piden colaboración. As rúas que se iluminan e non son peonís, é porque os comerciantes pagan estas luces.
¿Por que non se poñen soportes e bancos en Angel Senra?
O comercio de Angel Senra está dividido, uns queren a rúa peonil, e outros continúan sin querela. A asociación Distrito Mallos está a favor da peatonalización, pero como nesa rúa din que hai outra asociación, resulta moi difícil facer calquera cousa se non hai unidade.
¿Por que non fai un parking subterráneo en Angel Senra?
A verdade é que é a primeira vez que escoito esta proposta, tería que solicitalo a xente que estea por este proxecto e facer un estudio de viabilidade. Repito nunca se nos propuxo algo así. Ademais teña en conta que o parking da Ronda de Outeiro úsase pouquísimo.
¿Por que non se mellora a limpeza das rúas?
Sinceramente creo que o servizo de limpeza do Concello na zona non é malo, o que pasa é que se usan os soportes de flores para tirar lixo, non se recollen as “cacas” dos cans, tírase o lixo dende pola mañá e ponse ao lado do colector, apárcanse os coches pechando o paso ao colector, de verdade, moita culpa témola nós.
**Nova sección no Xornal do Distrito Mallos, as preguntas que realices serán respondidas cada mes no Xornal do Distrito Mallos; despois, no Blog Barrio dos Mallos as recolleremos para publicalas aquí no blog. Se queres dirixirte á Asociación de Comerciantes dos Mallos para facerlles algunha pregunta, aquí tes os datos:
Con toda liberdade escribide a:
Teléfono : 981 238 164
Fax : 981 168153
E mail: parkingmallos@yahoo.es
Correo postal: Distrito Mallos
Ronda de Outeiro (esquina Mallos)
Subterráneo 15007 A Coruña
Lembra a nova dirección, novo dominio do Blog Barrio dos Mallos:
http://mallos.es
Dirección para hacer trackback a este post:
http://blogs.periodistadigital.com/btbf/trackback.php/125290
Comparte esta información
Comentarios, Trackbacks, Pingbacks:
Aún no hay Comentarios/Trackbacks/Pingbacks para este post...
Se muestran únicamente los últimos 40 comentarios de cada post.
![[AD] Actualidad Digital y Tecnología](/img/ico.blogs.tecnologia.jpg){kind=small}
