O PP visitou o lamentable estado do Agra dos Mallos

26.10.07 @ 19:05:09. Archivado en Queixas

Estes días, tamén foi noticia outra parte do barrio pola visita do Partido Popular. A zona do Agra dos Mallos segue en estado lamentable, tal e como viñemos denunciando varias veces neste blog (ver), e así se lle mostrou os representantes deste partido, con Carlos Negreira á cabeza. Varias familias viven en condicións infrahumanas á beira do centro cívico, dun complexo deportivo, fronte a un centro de saúde e a moderna urbanización de Vioño. Viven sen saneamento (teñen pozos negros mal cubertos) e moitas, nin auga corrente. O PP levará o asunto ó pleno.

Lembra a nova dirección do Blog Orixinal Barrio dos Mallos:
http://mallos.es

Hacer comentario • Trackback (0)

O Concello da Coruña acusado de moroso polos veciños

26.10.07 @ 18:31:14. Archivado en Queixas

Os veciños da Sagrada Familia seguen esperando os cartos que lles adeuda o concello e ante a visita das autoridades estes días, elevaron a voz para reclamar o que se lles prometeu. O concelleiro de Rehabilitación, Mario López Rico, e a conselleira de Vivenda, Teresa Taboas, paseáronse polo barrio e falaron cos veciños. López Rico botou balóns fora e saíu do paso culpando ao alcalde da demora no pago. Esperan que na próxima semana todo se arranxe. Respecto a conselleira, era a primeira noticia que tiña da demora dos pagos (ou iso dixeron por alí).

Le máis sobre a polémica dos últimos días aquí.

Lembra a nova dirección do Blog Orixinal Barrio dos Mallos:
http://mallos.es

Hacer comentario • Trackback (0)

Temos Dominio propio: http://mallos.es/

22.10.07 @ 12:32:49. Archivado en Máis Blog dos Mallos, Sobre o Blog

No Blog Barrio dos Mallos estamos de estrea, xa temos dominio propio, temos nova dirección. Unha dirección que é máis doada de lembrar e á vez, máis curta de escribir. As anteriores direccións seguen a funcionar, así como as direccións dos "feeds", tanto dos posts coma dos comentarios.

Toma nota da nova dirección oficial do blog Barrio dos Mallos: http://mallos.es/

Hacer comentario • Trackback (0)

Torre de Hércules para Patrimonio de la Humanidad

15.10.07 @ 11:25:19. Archivado en Enquisas

Desde comezos de Setembro, CoruBlogs leva adiante unha iniciativa propia de apoio á candidatura da Torre de Hércules a Patrimonio da Humanidade.

Esta iniciativa consiste en colocar a imaxe anterior en cada un dos blogs coruñeses (estean asociados ou non a CoruBlogs).

Se queres unirte, coloca esta imaxe na túa web cun link cara http://www.torrehercules.org.

Se non sabes como, visita: Apoio á Torre de Hercules

Hacer comentario • Trackback (0)

CoruBlogs, Bloggers en Coruña

15.10.07 @ 10:40:46. Archivado en Sobre o Blog

Os Bloggers Coruñeses xa teñen casa. O Blog Barrio dos Mallos, mostra a súa satisfación por pertencer a esta "unión da blogosfera coruñesa". Poida que sexa un dos últimos en falar do asunto, así que moitos que leades este post vos sonará algo tardío, pero como sempre se di, máis vale tarde ca nunca.

¿Tes un blog sobre a cidade da Coruña (enténdase Área Metropolitana da Coruña)? ¿Eres coruñés ou veciño da cidade e tes un blog sobre calquera cousa imaxinable? Resumindo, se eres blogger e tes algún tipo de relación coa cidade da Coruña e a súa área de influenza, pois esta é a túa casa. http://www.corublogs.org/

Por certo, lembra a nova dirección do Blog Orixinal "Barrio dos Mallos": http://mallos.es

Hacer comentario • Trackback (0)

O "Proxecto Túnel" da Ronda de Nelle volve ser

15.10.07 @ 10:26:08. Archivado en Noticias, Queixas

A polémica continúa. O Concello propón agora alargar o túnel xa deseñado nun momento no que se sigue á espera de que remate o estudo do tráfico en superficie que, de ser esta a solución final, modificaría o sentido de
varias rúas.

Os veciños esperan que se lles informe primeiro a eles sobre a decisión final adoptada. O Concello, segundo contaron veciños da zona, propuso o alongamento do túnel que xa estaba proxectado pola Xunta para reducir o impacto visual, reducir as pendentes e disminuir o efecto das voladuras.

O que sí está decidido é que o viaduto debe desaparecer canto antes, as obras de derriba deberían comezar este ano, pero de momento nada se sabe. Antes das eleccións, ante a protesta dos veciños por unha e outras razóns, o proxecto de túnel foi retirado a favor da solución do tráfico en superficie. Pasadas as eleccións, neste últimos días rumores polo barrio e noticias na prensa coruñesa (20Minutos entre outros), fan pensar
que o Concello pretende recuperar o proxecto do túnel.

Estaremos expectantes ante calquera noticia sobre este tema que apareza.

Hacer comentario • Trackback (0)

A intermodal segue a voltas

15.10.07 @ 10:23:49. Archivado en Noticias, Políticos

Tan lonxe nunhas cousas, pero case da man noutras. Tanto o BNG (socio de Goberno do PSOE), como o PP (na oposición) coincidiron estes días en defender San Diego como a localización óptima da Estación Intermodal.

Xusto o contrario que promove o Alcalde. Losada insiste en que o centro neurálxico das comunicacións do futuro debe estar en San Cristóbal.

Hacer comentario • Trackback (0)

O regreso da policía de barrio

15.10.07 @ 10:21:52. Archivado en Enquisas

Florencio Cardador explicou que será agora o Concello o que recupere a figura dos axentes de proximidade, desaparecidos fai uns anos, unha das medidas máis reclamadas polos veciños e comerciantes da cidade, entre eles, do noso barrio.

Farase con patrullas da Policía Local, que se distribuirán por tódolos barrios da cidade. E nos barrios máis conflitivos contarán coa colaboración da Policía Nacional, como xa ocorre as fins de semana no Orzán.

A satisfacción veciñal aparece principalmente por estes motivos:

- A presenza deste corpo policial permite disuadir aos delincuentes, que se moven por toda a cidade.

- Os policías de proximidade dan confianza e permiten coñecer de cerca os problemas de cada barrio.

Hacer comentario • Trackback (0)

Cen millóns para a Sagrada Familia

15.10.07 @ 10:18:57. Archivado en Noticias, Queixas

O proceso de rehabilitación das vivendas da Sagrada Familia segue o seu curso. Unha boa parte destas vivendas xa están rodeadas de andamios e traballadores.

Nestas últimas semanas, o Concello da Coruña deu luz verde á concesión de axudas para rehabilitación en oito inmobles da rúa Belén. Trátase dos números 1, 7, 10, 11, 12, 13, 14 e 16 aos que se lles abonará unha subvención por importe total de 666.869,8€ (case 111 millóns das antigas pesetas) para realizar diversas melloras nas fachadas e renovación das instalacións comúns.

A pesar da alta cuantía da concesión, trátase dunhas axudas que segundo din moitos dos veciños, veñen con moito retraso.

Hacer comentario • Trackback (0)