José López
autor
Contacto
Promesas que non se cumpren
28.04.07 @ 02:51:24. Archivado en Queixas, Políticos, Reportaxes
Qué rápido pasa o tempo, aínda sonan nos nosos oídos esas palabras de satisfacción, e sobre todo de alivio, de Paco Vázquez cando renovou a maioría absoluta por menos de 200 votos e xa estamos noutra confrontación municipal. Os anos pasan, pero moitas veces, as promesas electorais hacia o noso barrio se manteñen como promesas cando remata a lexislatura.
¿Cantos aniños tardou en desaparecer a zona "rural" de Vioño? ¿Canto tempo se tardou en darnos ós veciños un centro de saúde en condicións e sen barreiras arquitectónicas? Máis vale tarde que nunca.
¿E que vai pasar coa Estación ¿intermodal? de San Cristóbal? ¿E co Agra dos Mallos? Pasan as lexislaturas, pero ambas opcións mantéñense como eternas promesas que agora volven a aparecer no vocabulario dos políticos.
Unha das grandes novidades e melloras máis rechamantes do barrio e a peatonalización da Rúa Angel Senra, ¿peatonalización? ¡pero se case circulan máis vehículos por alí que por algunhas rúas da Sagrada Familia - Os Mallos xuntas! Angel Senra estase convertendo nun perigo para os peóns, os comerciantes o están avisando, os veciños o están avisando... cando pase unha desgraza, as autoridades responderán. ¿Por que non instalar "bolardos" automáticos que permitan só o acceso á rúa os propietarios dos garaxes e en horario de carga e descarga, tamén os repartidores?
Pero non todo son queixas no barrio, a pesar de chegar con moito retraso, a xente en xeral está moi contenta co parque de Vioño, co centro de saúde e co centro cívico. Angel Senra cada vez é máis usada, a pesar do perigo, como zona de esparcimento peonil e nós, podemos presumir de ter a que é na actualidade a mellor biblioteca municipal da cidade.
E así poderíamos seguir, con pros e contras co que se fixo e non se fixo no noso barrio, pero non acabaríamos hoxe, e temos moito tempo para falar de todo isto. Estaría ben, que os políticos decidíranse a prometer en campaña so aquelas cousas que serían capaces realmente de levar a cabo, porque logo quedan mal. (Se algún de vos ten o programa electoral do PSOE coruñés das anteriores eleccións municipais, agradeceríamoslle que nolo mandase por email para botarlle unha ollada xa que non dispoñemos del).
Así que nas próximas semanas quédanos vixiar os movementos e atender as verbas e promesas dos seguintes candidatos/as á Alcaldía da Coruña:
- PSOE: Javier Losada
- PP: Carlos Negreira
- BNG: Henrique Tello
- COR.CO.BA.: Fernando R. Corcoba
- EU/IU: Luz Ponte
- Por un mundo máis xusto: Lila Fernández Delgado
- Partido Galeguista: Carlos Marcos
- Esquerda Republicana Galega: Enrique Llames Pérez
Dos seguintes dous partidos, sabemos que se presentan ó Concello da Coruña, pero recoñecemos non saber o nome dos respectivos cabezas de lista:
- Partido Humanista
- CDS
A ver, abride os ollos e os oídos que a campaña está a piques de comezar cos seus carteis, cos seus coches con megáfonos paseando polas rúas... o día 9 de maio comeza, se non estamos equivocados.
Dirección para hacer trackback a este post:
http://blogs.periodistadigital.com/btbf/trackback.php/90698
Comparte esta información
Comentarios, Trackbacks, Pingbacks:
Aún no hay Comentarios/Trackbacks/Pingbacks para este post...
Se muestran únicamente los últimos 40 comentarios de cada post.
