José López
autor
Contacto
Aparca se podes
22.02.07 @ 20:21:19. Archivado en Queixas
Unha das tarefas diarias que se lles presenta máis difícil aos veciños da zona dos xulgados é o poder aparcar o seu coche. É máis, ata algúns días de gran movemento poderiamos dicir que o conseguir estacionar un momento o vehículo para subir a buscar algo a casa ou deixar uns papeis chégase a converter en todo un privilexio.
Todos aqueles cuio traballo non lles permite coller un bus (e é que o slogan dos buses da cidade, “eu penso en non aparcar”, é certamente axeitado neste caso) ou que non se poden pagar un garaxe privado (algo que pola antigüedade dos edificios escasea na zona) ou o público construído con motivo da chegada dos dous edificios xudiciais, son os principais afectados por este problema.
Aínda que non cabe esquecerse dos repartidores, que ven reducido a marxe de aparcamento a un pequeno espazo habilitado que resulta de xeito evidente insuficiente. Por iso vense obrigados a deixar os seus vehículos de calquera forma, aparcando en esquinas, pasos de peóns, en dirección prohibida... elevando con iso o problema circulatorio da zona, aínda que sen dúbida son os menos culpables, eles están traballando.
Aparcar é imposible a determinadas horas. Esquécete por completo de conseguilo, a non ser que a fortuna estea da túa parte, ás horas punta da mañá. Así, se colliches o coche a primeira hora e regresas a casa antes das 13:30h ou 14:00h terás que armarte de paciencia e resignarte á espera de movemento, ocupando a dobre fila. Esta espera pode chegar a eternizarse en rúas como Eusebio da Garda ou Oidor Gregorio Tovar, hai persoas que chegaron a esperar hora e media para aparcar o coche
Como consecuencia desta falta de sitios para aparcar os veciños deben lidiar día a día cos problemas da dobre fila e o mal estacionamiento de vehículos. O primeiro converteuse en algo habitual en determinadas zonas, nas que os veciños xa se mostran resignados a ter que esperar durante varios longos minutos a que o condutor do ou dos coches que lle impiden saír oian os seus desesperados pitidos. Porque aínda que ás veces un pode esperar máis pacientemente, nalgunhas ocasións nas que o tempo está máis xusto moitos se chegan a enfadar ou desesperar, tendo en conta que algúns deles ven como quen lles impide sacar o seu coche é alguén que aos cinco minutos aparece empuxando o carrito da compra dalgún súper do barrio ou quen sae tranquilamente logo de vir de tomarse un café no bar.
Sen dúbida, aínda que quizá non sexa a única causa da escaseza de aparcamento, a situación agravouse coa chegada dos Xulgados, a Audiencia e coa peatonalización de Angel Senra, o que eliminou bastantes prazas de aparcamento. E é que algúns pensamos que a construcción de ambos edificios xudiciais tivo un gran erro neste ámbito, que foi o non construír un parking subterráneo para os seus traballadores. No seu lugar a solución adoptada foi darlles aparcamento reservándolles dúas das rúas que rodean os edificios, o que eliminou un dos lugares tradicionais para aparcar da zona. Intentouse solucionar todo isto coa construción dun parking subterráneo na Praza Monforte, que substituíu prazas de aparcamiento gratuitas por outras de pago, e que resulta insuficiente.
Sobre o mal estacionamiento de vehículos podemos destacar os problemas que teñen para poder manobrar os buses, tanto os escolares como o bus da liña cinco que pasa pola zona. Case a diario os veciños deben soportar o molesto claxon dos autobuses que se atopan con impedimentos para dobrar as esquinas por culpa dos coches aparcados nelas, véndose tamén dificultada a súa circulación pola dobre fila. E non só afecta ao vehículos, xa que o mal aparcamiento nas esquinas, pasos de peóns ou beirarrúas rebaixadas fai difícil o paso dos viandantes, sendo máis grave cando isto afecta a persoas con movilidade reducida.
Para intentar facer algo adoita haber presenza de municipais pola zona, sobre todo polas mañás, pero a súa única actuación redúcese a poñer algunha que outra multa e avisar ao guindastre, o que non é a solución para o problema.
Esperemos que esa solución chegue, e sexa canto antes.
Dirección para hacer trackback a este post:
http://blogs.periodistadigital.com/btbf/trackback.php/76373
Comparte esta información
Comentarios, Trackbacks, Pingbacks:
Saudos dun veciño.
Comentario por Marcos Pita Varela [Blogger] 22.02.07 @ 21:14
Se muestran únicamente los últimos 40 comentarios de cada post.
