Galescolas: o berce da educación dos galegos do século XXI

15.05.07 @ 09:38:56. Archivado en Nacionalismo

Esmeralda de Saa, membro da xunta directiva da Asociación Galega de Escolas Infantís, apunta que “a miña opinión persoal, sen falar en nome da asociación, é que onde hai unha rede de centros suficientemente ampla, como en Vigo, a Administración o que tería que facer é concertos coas privadas, e non crear unha galescola ao lado que obrigue ás privadas a pechar, e que non se sabe se vai cumprir as expectativas dos pais en canto a horarios, pois as públicas adoitan pechar ás cinco da tarde. Se se quere axudar aos pais a conciliar a vida laboral coa familiar, deberíase respetar o dereito dos pais a elixir, e axudarlles co cheque infantil, que son axudas para pagar a escola”.

Os galegos e galegas do século XXI xa teñen onde comezar a súa educación, sen medo, sen complexos, con orgullo de seu e do seu país. Así presentaba o vicepresidente da Igualdade e do Benestar, Anxo Quintana, a Rede Galescola.

A presentación desta iniciativa deu lugar a algunhas críticas, coma a formulada por CC.OO., sindicato segundo o cal Vicepresidencia “pretende crear unha rede clientelar de galescolas cun modelo de relación laboral precario”.

O responsábel da asociación Nais e Pais de Alumnos polo Ensino en Galego, Adolfo Muíños, subliña que “o valor da rede é moi positivo en canto a ser un emblema do ensino en galego no ensino infantil, da escola como axente socializador do país. Estamos, ademais, diante dun proxecto educativo xeral e global, pensado en chave de país.

Un dos aspectos que xerou mais polémica no relativo ás galescolas é o referido ao uso do galego nas mesmas. A secretaria xeral de Igualdade, Carme Adán, aclarou ao respecto que “serán basicamente escolas en galego.
En termos semellantes se expresa o vicepresidente da Confederación Galega de Pais de Alumnos (Congapa), Constantino Iglesias. “Estamos a favor do galego. Nós apoiamos o decreto acordado polos tres partidos. Co que non estamos de acordo é con que as galescolas dependan de Vicepresidencia, e non de Educación”.

O presidente da Asociación Profesional de Pedagogos de Galiza, José Manuel Suárez, subliña que, aínda que está de acordo con estas medidas, a maioría delas xa se recollen na lexislación educativa vixente, polo que non supoñen unha verdadeira novidade. Suárez incide en que “as escolas infantís deben impregnarse do que se fale na rúa, sexa galego ou castelán, respetando a liberdade de uso, sen estandarizar nin impoñer nada”.

Esmeralda de Saa, membro da xunta directiva da Asociación Galega de Escolas Infantís, apunta que “a miña opinión persoal, sen falar en nome da asociación, é que onde hai unha rede de centros suficientemente ampla, como en Vigo, a Administración o que tería que facer é concertos coas privadas, e non crear unha galescola ao lado que obrigue ás privadas a pechar, e que non se sabe se vai cumprir as expectativas dos pais en canto a horarios, pois as públicas adoitan pechar ás cinco da tarde. Se se quere axudar aos pais a conciliar a vida laboral coa familiar, deberíase respetar o dereito dos pais a elixir, e axudarlles co cheque infantil, que son axudas para pagar a escola”.

O Viveiro e Observatório das Galescolas, Vogal, acusou, por último, á Xunta de apropiarse do nome Galescola. Este colectivo naceu co obxectivo de crear unha rede de cooperativas de ensino en que o galego e unha lingua estranxeira fosen as linguas vehiculares. O presidente desta asociación, Heitor Rodal, critica o proxecto da Xunta por "permitir que até dous terzos das horas lectivas se impartan en español, por deixar a contratación en mans da Fegamp, e porque o criterio de aceitación nas escolas vai ser a renda, polo que os fillos dos pais mais concienciados poderán non ser admitidos. Ademais, defendemos o uso de material en portugués".

vía GZnación

Comentarios:

Se muestran únicamente los últimos 40 comentarios de cada post.

Los comentarios para este post están cerrados.