Xoán Xulio Alfaya
autor
Contacto
Por la boca muere el pez
14.07.07 @ 11:11:40. Archivado en Gallego obligatorio
Xosé Ramón Barreiro, Presidente de la Real Academia de la Lengua Gallega: "o plan estaba ben elaborado, o que pasa é que hai que aplicalo, poñer en funcionamento todos os mecanismos que estaban previstos para que sen presión excesivas, sen que se note que vai ser algo coactivo (sic), a través dos mecanismos de concienciación que existen, se leve a cabo".
O presidente da Real Academia alerta de que “estamos nun momento difícil” e pide implicación máis decidida
GALICIA HOXE
O presidente da Real Academia Galega (RAG), Xosé Ramón Barreiro Fernández, cre que o Plan de Normalización Lingüística está ben elaborado, pero non se cumpre. Ese é un dos problemas. Aínda que seguir gañando novos espazos de uso para o idioma é unha carreira de fondo, pois o galego está nun momento difícil, Barreiro móstrase optimista.
P: Cal é hoxe a situación do galego?
R: Estamos nun momento difícil, sobre todo en canto a transmisión do galego nas novas xeracións. Sacamos estudos de mediación da situación e temos que pensar que moitas medidas haberá que xulgalas ao cabo de tempo. Estes fenómenos hai que pensar que non se poden verificar por meses, hai que verificalos por anos. Eu sigo sendo optimista, porque, se ben é certo que a transmisión oral vai caendo, porén, a capacidade de toda a xuventude para falalo, para lelo e para escribilo e moito maior que esta, naturalmente, xunto ó ensino, que está funcionando desde hai anos.
P.-Nos preto de dous anos de goberno do bipartito na Xunta, notouse algún cambio no impulso da lingua?
R.-Dá a sensación de que si. Pero eu, polo menos, non sei se é o camiño axeitado. Hai unha presión maior nos institutos para que todo se someta á norma e non sei se iso e bo. Unha das cousas que temos que analizar é que é o que explica que os rapaces que estudan nos colexios aprendan a falar e escribir o galego e estes deixan de falalo cando saen dos institutos. Non é que non se cumpra a norma, senon que cumpríndoa, o número de galegos que proceden do mundo estudiantil decrece.
P.-Que dicir poisdo decreto sobre o uso do galego nos colexios que acaba de publicarse?
R.-Imos xustamente ao que dixen. Imaxinemos que se cumpre o decreto nos institutos e nos colexios ao cento por cento. Quen me garantiza que os rapaces van falar máis o galego? Penso que estamos poñendo moito o acento nos aspectos normativos educativos cando, ao mellor, o problema vai continuar igual. Non creo que a aplicación da norma vaia resolver o problema.
P.-Desde certos sectores atácase a xestión de Política Lingüística, é unha carreira de fondo na que non convén pórse nerviosos antes de tempo?
R.-Exactamente. Eu penso que o que hai que aplicar dunha vez por todas é todo o paquete de normalización lingüística que estaba aprobado xa pola anterior Xunta e polo Parlamento e por unanimidade. Por exemplo, aquilo que se falaba da normalización en todo o mundo do deporte, para todo iso non se moveu un dedo aínda. Do que se dicía da normalización do mundo do ocio da xuventude non se moveu nada tampouco, nin das medidas que había que adoitar para que o galego entrara no mundo da empresa.
P.-En materia de normalización vaise polo bo camiño?
R.-O plan estaba ben elaborado, o que pasa é que hai que aplicalo, poñer en funcionamento todos os mecanismos que estaban previstos para que, sen presións excesivas, sen que se note que vai ser algo coactivo, a través dos mecanismos de concienciación que existen, se leve a cabo. Como se pode consentir que na segunda cidade máis poboada de Galicia, que é A Coruña, todo o que se fala no campo de fútbol nos altofalantes é en castelán? Exemplo contrario é Vigo, que o fai ben desde hai tempo.
P.-Hai inimigos do galego?
R.-Dentro de Galicia?, moitos. Hai moitos inimigos do galego. Sen saír desta cidade (A Coruña), Paco Vázquez, por exemplo, non creo que fora amigo do galego. A Coruña é un concello que gasta moitos cartos en cultura, hai que recoñecelo, quizais dos que gastan máis, pero, que cultura? Eles entenden por cultura galega a xeral que hai en Galicia, pero aquí hai a nosa e hai outra cultura. Pero non é só este caso. Que pasa con Ferrol? A Academia non puido asistir o ano pasado, o ano do centenario, a un acto porque lle suxerin ao alcalde que falara en galego e contestoume indirectamente que a el ninguén lle impuña o idioma. Hai inimigos do galego aquí en Galicia, claro que si.
O galego
Ana Carballo Rubira - Nigrán
FARO DE VIGO - Cartas al Director
14 julio 2007
Quedei moi sorprendida e tamén moi preocupada cando lin unhas declaracións do Presidente da Real Academia da Lingua Galega, don Xosé Ramón Barreiro, do pasado 13 de maio. Reproducindo as súas verbas, cando lle preguntan sobre o pouco que a xente nova fala galego, contesta: "non creo que a aplicación da norma vaia resolver o problema". E á pregunta de se a lei de Normalización Lingüística estaba acadando os seus obxectivos responde: "o plan estaba ben elaborado, o que pasa é que hai que aplicalo, poñer en funcionamento todos os mecanismos que estaban previstos para que sen presión excesivas, sen que se note que vai ser algo coactivo, a través dos mecanismos de concienciación que existen, se leve a cabo".
Para dicir isto hai que estar totalmente convencido de que o que a lei intenta é coaccionar ós galegos. Entristéceme moito que a defensa da nosa lingua se leve a cabo deste xeito, sen ter en conta o que de verdade importa, e que debe prevalecer sempre sobre todas as cousas, que é a liberdade.
Penso que a Real Academia Galega debería plantexarse se dentro dos seus obxectivos o máis importante non debería ser ó de contribuir á creación dunha Galicia máis xusta e respectuosa, que sexa a garantía dunha convivencia en paz e liberdade; onde os galegos falaremos galego sen coaccións nin imposicións e soamente por unha elección persoal de cariño a nosa nosa.
Sorpréndeme por vir de quen ven, unha persoa culta, gran traballador pola nosa lingua e defensor da nosa cultura; e sobre todo iso, unha persoa coa suficiente intelixencia coma para darse conta de que o decreto non defende a lingua galega, senón que a utiliza co fin de mermar a liberdade de todos nós.
Pido disculpas se o meu galego non ten propiedade suficiente pero comecei hai pouco tempo e penso que mellorará porque teño bos mestres.
La normalización lingüística del gallego: que se consiga el efecto sin que se note el cuidado
Xosé Ramón Barreiro Fernández, presidente de la Real Academia Gallega, se destapó a gusto el pasado mes de mayo en unas declaraciones a un portal de internet, acerca de la normalización lingüística del gallego en Galicia.
Barreiro admitía que el plan de normalización lingüística está bien elaborado pero que el problema es que no lo aplican correctamente, ya que hay que "poner en funcionamiento todos los mecanismos que estaban previstos para que, sin presiones excesivas, sin que se note que va a ser algo coactivo" se utilicen los mecanismos de concienciación.
Es decir, que "que se consiga el efecto sin que se note el cuidado", frase victimista del separatismo catalán, al más puro estilo del siglo XVIII, que es a donde quieren llevarnos los nacionalistas.
En Galicia aprenden rápido.
Fuente: Criterio
Dirección para hacer trackback a este post:
http://blogs.periodistadigital.com/btbf/trackback.php/106244
Comparte esta información
Comentarios, Trackbacks, Pingbacks:
Comentario por Igor Bardevedian 21.12.07 @ 17:30
Comentario por filomeno 14.07.07 @ 12:03
Comentario por filomeno 14.07.07 @ 11:58
Se muestran únicamente los últimos 40 comentarios de cada post.
